LT Zohranga Cartoon Exhibition-ah entu an tam avangin intlar a ngai hial

 

Thu hmatheh

He khawvelin chak taka hma a sawn pur pur lai hian thangtharte leh thar lote pawh hian tih tur pawimawh hrang hrang kan ngah tawh hle mai. Lehkhabu tha tak tak nei ten tunin ziak mite`n tha tak tak ziak kur ngiai nguai thin mahse, chhiarna hun neih a harin peih pawh a har ta khawp mai. Nitin chanchinbua article sei deuh phei chu mi tam tak chuan chhiar enah pawh kan en meuh tawh lo a nih hi.

Chutihlai chuan thil pawimawh tak pakhat chu Cartoon chungchang hi a ni. Cartoon thiltihtheihna hi kan ngaisangin kan pawh tan viau tawh takna a, lehkhathiam tamna Mizorama State-ah hian kan la luhchilh thuk lutuk lo em aw, ka ti deuh a, National Paper chhuanvawr deuh china chhiartu thalaite ngaihdan lakkhawmah chuan zaa sawmsarih (70%) zetin Cartoon an en hmasak ber thin thu an sawi. Heta tang hian Cartoon pawimawh zia kan hre thei awm e. Tawngkaa sawi ngam loh leh ziah ngam loh kilkhawr ber thlengin Cartoon atang hi chuan puanchhuah a remchang viau mai a, ramdangah chuan an chhawr tangkai hle.

A tha zawng leh tha lo zawng pawhin chanchinbu kilkhat, inches hnih bial vel lekah hian nasa takin thu a sawi thei a ni. Tin, kan sawi tak ang khan lehkhabu chhah pui pui chhiar nan hun pek a har a, Cartoon hi tlan paha chhiar zung zung theih a nih avangin helama mithiam zawkte chochhuahna`n he Cartoon hi ka han buatsaih a, kan ramin a tha zawng leh tha lo zawng pawha kan buaipui thin kawng hrang hrang ka lo ziah tawhte atangin he Cartoon hi buatsaih a ni.

Khawvelah hian tawng chi 6000 vel awmin an sawi a, tawng thiam tam pawl pawhin chi 10 vel thiam ta sela, chumi hmang chuan thu ziak ta sela, hrethiam lo 5990 an la awm tihna a ni a, Cartoon atang hi chuan  eng hnam pawh/eng tawng hmang pawhin kan thusawi duh an hrethiam nghal tlangpui thin a ni.


LT Zohranga, Lunglei Ramthar. Contact : 9436371832

Cartoon Exhibition 2010 hawngtu Lunglei DC Pi M Zohmingthangi. Pu LT Zohrangan a hmuh dan Cartoon-in a ziak